|
À vâqu'ter auve lé vârage dé l'année, jé vrédouôle auve chu vrégîn en Vréginne, agenouoilli coumme Messire Ouâlteur Ralegh en Améthique à r'caûchi mes réchinnes. Sai ma tèrre neuve, man pays d'gengivre et paîvre! Ès deux bords d'l'ochéan, j'sis parféné auve eune pînchie dé p'tun tchi feunque mes rêves quand j'fliotte à l'enchens d'la muscade d'la mé. J'vaûchi ès louêmes, enjouardé ès gouoliots, qué j'veinge vîngt fais en té; ma mathée monte jusqu'à tes mielles - j'êchouêthai mes viageots dé vrai v'nu en tan nouvieau monde... êchonte- -mé-qu'nou-fait! Douothe-mé atout t'n êchouée d'myi! Au Nouvel An tu'engaûme man mais d'Janvyi.
|
Viyiz étout: