|
Es-tu êpeûthé qu'ta veuve té plieuth'tha, qué d'même tu fliaûne tan temps en vièr garçon? Las, s'tu, sans laîssi d'êfants, pâsse lé pas, lé monde coumme des êpithouotées t'plieuth'thont; lé monde entchi s'sa ta veuve, prendra l'deu n'ayant pon d'copie d'té en héthitage. Tout coumme autcheune veuve auve eune fanmil'ye peut vaie l'patron à s'n houmme dans l's ièrs dé s'n êrage. Èrgarde, lé trébuque-bein tchi fliaûne ses sou les fait rouôler pouor tous; l'profit en r'veint. Mais trébutchi sa bieauté niet à tous; n'faithe pon sèrvi sa bieauté n'sèrt à rein. N'y'a pon d'amour pouor d'aut's dans l'tchoeu d'un janne tchi honteusement s'mêfait, s'niet et s'vilanne. William Shakespeare Vèrsion Jèrriaise dé Geraint Jennings |
Viyiz étout: