|
Si tu'es bliaûmé, tu n'en s'sa pon failli; lé nièrchisseux tith'tha tréjous au blianc; par la doutanche, la bieauté est bellie, atout l'corbîn tchi nièrchit l'pus doux vent. Entrétant ta bouônté, l'êcliandre s'êcanche combein qu'tu vaux mus en heuthes et sifèches; sus les pus douoches flieurs, les vèrs lus êlanchent, et ch'est qu'tu'es, té, la putheté d'la jannèche. En janne soudard, tu'as battu tout enn'mîn, pâssé, sans ma, tout corps, tout bataillon. Mais ch't' èrnommée n'pouôrra pon gângni l'scîn d'fitchi l'envie, à tréjous à banon. Si ta bieauté n'tait pon mastchie d's envieurs, tu règnéthais sus des rouoyaumes dé tchoeurs. William Shakespeare Vèrsion Jèrriaise dé Geraint Jennings |
Viyiz étout: