|
Si m'n amour 'tait raîque d'la graine dé fôssé, i' pouôrrait sans péthe sé s'mer à la gliaine, poussé par l'hait d'achteu ou l'èrse d'aniet, qu'nou sèrcl'ye des sèrcl'yes, des flieurs flieuthies adgène. Nou-fait, i' fut grée liain d'l'înjuthe du temps; i' n'suffâque pon l'ordgi motcheux, ni tchait souos l'co d'l'escliavage du malcontentement, ouaithe qu'la mode du moment en veinge dé hait. I' n'a pon d'peux d'l'embliût'tie înfidèle tchi tèrme lé d'si en s'gondes, minnutes ou heuthes, mais s'mâte, tout seu, avisé à mèrvelle, sans êt' ni êffeûtchi ni nyé d'daûtcheûthes. J'appelle les êcoquevilyis en têmouains tchi méthitouaithement meuthent mais vivent pouor rein. William Shakespeare Vèrsion Jèrriaise dé Geraint Jennings |
Viyiz étout: