Les Pages Jèrriaises

Sonnet 33

Full many a glorious morning have I seen

J'ai veu chent fais lé r'gard du jour couvri
Les côtils auve lé trésor du matîn.
Ses lèvres d'or embraichent clios, russieaux, bouais'sies,
Et l'vèrt est changi en or par san scîn.
Êv'chîn les nues tchi l'vouaîlent. Est-che bein san d'si?
Lé tchéthaûd du ciel li-même dispathaît.
Améthement, l'monde en deu plieuthe chu chorchi
Tchi sans êt' veu r'est hors, honteux, au Vouêst.
Ainchîn jé m'rêvilyis auve man solé.
J'fus caûffé souos un ciel fait pouor nos deux.
Mais, las! L'clièrgeon n'duthit qu'eune matinnée.
Mes matîns, coumme mes nyits, sont nièrs ach'teu.
Mais mé, j'l'aime acouo bein pus fort qu'd'amors:
Eune veue peut lamper - si l'solé r'est hors.
 

William Shakespeare
Vèrsion Jèrriaise par Geraint Jennings 2001

 

Viyiz étout:

 

Les Pages Jèrriaises