No, Time, thou shalt not boast that I do change
|
Nou-fait, Faûcheux! N'dis pon qué j'ai changi. Tes pyramides, chînmentées à ches drein, Né m'enchorchellent pon coumme un êtrangi. Ches ornéments sont vièrs et n'valent pus rein. Nos vies volent auve lé vent, et j'admithons Tout chein d'l'antitchité qu'tu nos donn'nas. J'aimons craithe tout neu chein qué jé d'sithons, Sans rein apprendre dans les vièrs almonas. Tes listes et té, mé, j'les ai calengi; Jé n'pense pon au présent, ni au pâssé. Tes r'cords et chein qu'j'viyons sont des ment'ties, Changies et r'changies par t'n activité. J't'ai promîns sus ma vie; n'dis pon qué j'mens. Jé s'sai louoya en d'pit d'la faux du Temps. William Shakespeare Vèrsion Jèrriaise par Geraint Jennings 2002 |
Viyiz étout: