|
Des achies d'faches trélûthent dans la nièrcheu; i' tchait des giants riants à hahas, des bouoches boulant en louêmes dé d'vis et veues: la sinne dé jeu satchie ès cinnémas. Les faches fliottent fiéthes et folles, et néthes et blianches; nou ouait lus soûffliéthie, lus houîns et ouas; eune muthâle dé faches enfache l'audienche fitchie, châtchun à sa pièche sans dêha et nou-s'y'est blioutchi dans l'cârré d'argent, embârré par les bârrotîns d'l'êcliat, n'yé dans chu nièr, et blyîntchant dans chu blianc, dans ch't aître où'est qu'i' y'a pus d'faîtchieaux qué d'cra. Mais l's êmânues n'y mouontréthont pon d'ma... raîque lé scîn libéthé au cinnéma. Geraint Jennings |
Viyiz étout: