Les Pages Jèrriaises

Sonnet 15

Quand j'pense qué tout chein tchi craît reste parfait
raîque pouor un p'tit moment, tch'est un pitchi,
qué chutte grande strade présente raîque du hâlias
pis qué l's êtailes conspithent à crititchi;
quand j'èrmèrque qu'un houmme, lî, coumme les pliantes, craît,
êcaloppé et copé par l's êtailes,
s'rêjouit dans sa jannèche, du haut dêcraît,
et à la fîn s'en va patchi ses tailes;
ch'est qu'chutte vision d'un monde dêsaisonné
m'fait penser à té, man janne milsoutchi,
et j'vai la vieillithie d'pathe d'auve lé d'chet,
pouor changi tan janne jour en niet vieillie;
et j'litte contré l'temps pouor l'amour en té,
et coumme i' t'êj'tonne, sus té j'sis enté.

William Shakespeare
Vèrsion Jèrriaise dé Geraint Jennings

 

Viyiz étout:

 

Les Pages Jèrriaises