Les Pages Jèrriaises

Quand j'vai ta belle fache et tan doux souôri

Quando da bela vista e doce riso


Quand j'vai ta belle fache et tan doux souôri,
né v'là dé tchi tchi nouôrrit mes cricots;
et ch'est qué j'sis si rêjoui d'chu fricot
qué j'craithais qu'ichîn bas j'vai l'Pathadis.
Épis j'sis si cârré d'l'heutheuse homm'thie
qu'autchun aut' d'si m'sembliéthait raîque un d'so,
et pouor l'adgèvement j'raîsonne, véthe, acouo
à un fi près dé m'viscâthier l'esprit.
Ma hardelle, si j'té loûse, ch'est pouor lé seux -
ch'n'est pon d'l'affliâtréthie mais mes vraies louanges,
sans pouver êcatchi coumme tchi qu'tu'es belle.
Nou n'trouv'tha pon eune itelle souos les cieux:
don, ch'n'est pon ravissant en tout, mén ange,
qué l'chein tchi t'griyit, fit l'ciel et l's êtailes.

Luís Vaz de Camões
Vèrsion Jèrriaise 2017 par Geraint Jennings

 

Viyiz étout:

 

Les Pages Jèrriaises