Les Pages Jèrriaises

Sonnet 8

Man sounneux, pouortchi ouï ch't air aigrément?
L'doux n'juthe pon auve lé doux - la jouaie s'rêjouit.
Pouortchi qu'tu'aime chein tch'est un drôle dé gréement
et qu'tu'èrchais chein tchi t'gêne auve tant d'pliaîsi?
Si l'harmonnie dé sons, accordés d'vrai
et mathiés, offense ainchîn t's ouothelles,
ch'est qu'ou t'lichonne douochement, ouïyant qu'tu dai
tréjous rêpondre "pouor" quand nou fait l'appel.
Êcoute: eune corde tchi hêle sa parchonniéthe,
èrhêle eune aut, lus entr'-halent à la vie;
et né v'là péthe dé fanmil'ye, mousse, et méthe
à chanter en tchoeu lus douoche harmonnie.
Ches chants sans patholes èrponnent au sounneux:
"Tchi chante à san tout seu, li, n'a pon d'tchoeu."

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises