|
Ch'fut-i' l'papefi d'san fièr fieillet d'papi, en lôviant d'vièrs lé butîn d'ta bat'lée, tch'encôffrit dans man chèrvé mes meux d'vis, r'patchant dans la bielle les tailes y soûffliées? Ch'fut-i' s'n esprit, înspithé ès vèrsets pus hauts qu'mortels, tchi d'un co m'achouêmit? Nânnîn, ni li ni l's êmânues d'la niet dgidant sa plieunme, n'êbézouîtent ma poésie. Ni li ni chu vièr r'vénant bein connu, tchi touos les sièrs lus craquent dé m'aver teu atout s'n êcliandréthie tchi l'êgalue, n'peuvent pon m'êtchoeuther car j'n'ai dgéthe peux dg'ieux. Mais quand ta belle minne remplyit ses vèrsets, les meins, mantchant d'sujet, en fûtent minnés. William Shakespeare Vèrsion Jèrriaise dé Geraint Jennings |
Viyiz étout: