Les Pages Jèrriaises

Sonnet 65



Since brass, nor stone, nor earth, nor boundless sea


 


Les mathées, l'grannit, la tèrre et l'méta,
À la fîn, coumme eune flieur, es'sont fliêtris,
N'éthont pus d'pouvé quand lus clioche sonn'na,
Et, contre la mort, n'ont rein à bardgîngni.
La brîse d'Êté tchi fliatte les moûques à myi
Est êssoûffliée par la futhieuse tempête.
Et, pitchis bas par les siècl'yes sans pitchi,
Les monts et l'fé s'sont oubliés souos la bliête.
J'y pense et j'trembl'ye. Où'est qu'est man chièr trésor?
Chu riche souôri coumme des pèrles en colyi;
Ch't' iviéthe, happée par les mâchouaithes d'la mort
Tchi la flianqu'tha drait dans san nièr solyi.
J'prêsèrve ta bliancheu dans ches mots nièrchis:
Ma langue, ma plieunme; man tchoeu, mén encriyi.

William Shakespeare
Vèrsion Jèrriaise par Geraint Jennings 2001

 

Viyiz étout:

 

Les Pages Jèrriaises