Les Pages Jèrriaises

L'amour est eune brûl'lie

Amor é fogo que arde sem se ver

L'amour est eune brûl'lie tchi n'êcliaithe pas;
eune êcorcheûthe tchi n'mèrquétha pon l'corps;
un r'confort tchi n'souôlag'gea pon bein fort;
un ma tchi veng'gea acouo sans faithe ma.

Épis ch'est vouler qu'si raîque des âqu'sies;
ch'est r'êt' à tan tout seu parmi du monde;
ch'est d'n'êt' pon satisfait ouaithe qu'tout abonde;
ch'est d'êt' pèrdu ouaithe qué tu'en aie gângni.

Ch'est d'vouler êt' embarré dans tan d'si;
et d'sèrvi l'abattu, té l'batilieux;
ch'est d'êt' louoya au chein tchi t'a ôccsi.

Mais coumme tchi don qu'nos tchoeurs sont en faveu
d'lus accorder à eune telle amiêtchi,
si l'amour fait d'même tout à contré-tchoeu?

Luís Vaz de Camões
Vèrsion Jèrriaise 10/6/2015, Jour du Portûnga, par Geraint Jennings


 

Viyiz étout:

 

Les Pages Jèrriaises