Les Pages Jèrriaises

Sonnet 152

Dépis qué j't'aime, tu sai qué j'sis faussé
mais tu fausse deux fais d'pis qué tu'en es d'hait,
prêtant sèrment en d'pit du tchoeu prêté,
en dêliant tan liet, dêchithant ta fouai.
Mais pouortchi qu'ch'est d'eune doubl'ye fauss'sie qu'j't'atchûthe
quand j'sis coupabl'ye vîngt fais? Mé, j'sis l'pus faux:
tout chein qué j'juthe contre té est la parjuthe,
et toute ma fouai en té est avaû-l'ieau.
Ch'est en tchi, j'ai pliaidgi pouor tes pliaîsièrs,
avoué qué tu'aime, qué tu'es louoyale et vraie;
pouor t'êcliaithi, j'ai aveuglié mes ièrs,
ou bein j'les ai fait r'nonchi chein qu'i' vaient.
J'ai juthé ta bieauté en d'pit dé m'n yi;
la véthité, véthe, juthe auve ta mennetie.

William Shakespeare
Vèrsion Jèrriaise dé Geraint Jennings
 

Viyiz étout:

 

Les Pages Jèrriaises