|
La graisse est fidgie l'tou d's os d'Août; l'air est vlînmeux, la lueu hiellée, et au liet nou s'craînche et s'êcoue en drissant avaû-l'ieau la niet. Quand j'veurs té happer, tu'es ho'-l'bord à vathoter en mathiage; lé lîncheu lîncre, lé couothant couort; nou-s'est d'samathé en vâthage. Tes Tropiques m'èrcaûffent; ma graisse fond, eune êtrueûlée dg'hielle sus tes ieaux. Avale-mé, tan mangeux d'crétons, et j'fricach'chai vliques et vannieaux... et mé sus té, té sus tan dos, au mais d'Août nou dêgraîsse ses os. Geraint Jennings |
Viyiz étout: