|
Coumme tchi qué j'chant'tai bouonnement ta valeu, si tu'es en tout la miyeu maîntchi d'mé? Et tch'est qu'i' valent, des louanges à man tout seu, si, quand jé m'louang'geai, ches louanges vont vèrs té? Né v'là pouortchi, vivons achteu spartis, qu'not chièr amour d'samathe en spathâtion; ainchîn j'té bâr'rai l'don partitchulyi qué tu méthite, té, dans ch't' èrnonchiâtion. Oh absence! Ch'est qu'tu m'pathais eune tortuthe sénon qu'ch'est alloué par tan laîsi sû d'pâsser en pensées d'amour l's heuthes tch'enduthent. Ches heuthes et pensées douochement m'êgaluent, et l'iun est duit par té à s'maîntchonner, en louangeant l'aut' au liain tch'est dans l'sonnet. William Shakespeare Vèrsion Jèrriaise dé Geraint Jennings |
Viyiz étout: