Les Pages Jèrriaises

Sonnet 34

Pouortchi qu'tu m'promîns un 'té bieau matîn
et m'fit m'dêhaler sans mes cauds abris,
pouor m'laîssi êt' embliâsée sus lé c'mîn,
muchant tes flianflius dans la fliaue feuntchie?
Ch'n'est pon assez qu'tu géthis en malzard
pouor s'tchi ma fache mucrie coumme un clièrpais.
Tchi qui s'fyie au r'miède d'un temps à pendard
tchi doctrinne lé ma, sans r'dgéthi la pliaie?
Tan r'gret nitout n'méd'cinne pon man dêpiêt,
ouaithe qué tu'y r'nonche, ch'est mé tch'éthai lé flias,
lé pitchi du pécheux n'prête pon d'r'êffet
à l'offensé; sa crouaix i' portétha.
Tu lèrme des pèrles; v'là tén amour tchi tchait.
Ta plyie est riche et racate tes maûfaits.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises