Les Pages Jèrriaises

Sonnet 3

Èrgarde tan mitheux; di au chein qu'tu'y vai
qué chutte fache-chîn dévthait eune itelle faithe.
Pouor tchi l'bouon agré, s'tu n'es pon pouor r'graie,
tu'embliûtre lé monde et dêmeûthit tchique méthe.
Car tchi qu'est la cheinne dé tchi l'clios fèrtile
es'sait par té laîssi paître ès coucous?
Et tchi qu'est l'chein tchi s'sait si înmbécile
d'entèrrer s'n amour, êtouper san fou?
Tu'es l'mitheux à ta méthe, et lyi en té,
ou rappelle la fraîcheu d'san doux Avri.
Té, l'travèrs des leunettes dé t'n âge rid'lée,
tu r'vèrras l'age d'or d'jannèche enfachie.
Mais s'tu vis sans vouler êt' ramembré,
en vièr garçon - t'n înmage mouôrra auve té.

William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises