|
La stchelette embraiche la bielle du bâtisse, ses os clyînquent en carêssant ses touothelles criqu'tant châque côte tch'y fique, châque jouainte tch'y visse, les mâtants montent pouor mett' main sus sa bielle. Des plianques mînses bas, des artéthes s'tchis en bouais; n'y'étha pon d'sang quand l'bâtisse êbieilli s'dêfrâlîngu'tha sans habits, pé ni chai, eune êmânue en clious, touothots et vis. Mais un co nu, lé bâtisse s'èrtînf'tha, r'fétha d'san tchian auve san tchu r'hors dans l'bel, ses tchiêsses d'architectuthe sans huthes ni flias driss'sont dé d'ssous des dés d'méta mortel. Lé rond a bein rouôlé à bas la draite: lé bâtisse a dêmembré la stchelette. Geraint Jennings
|
Viyiz étout: