|
Gâzouoilleux grâcieux, pouortchi qu'tu t'dês'menche en d'bitant ta bieauté bein dêbaûchie? La natuthe né bâle rein - raîque des avanches - mais amouochèle les milsoutchièrs haûchis. Bieau mênagyi, pouortchi faithe un dêtou dé tout chu bein qu'tu'as r'chu en pacotile? Hale-sou sans l'sou, pouortchi don qu'tu dissous un té mouoché pouor mouothi sans fanmil'ye? Assa tu t'paie d'chein qu'tu'es à fricachi, et atout ta bieauté tu t'tricachonne; Et quand tu t'êtrueûl'las sus tan mouothi i' n'restétha rein d'la somme qué tu t'donne. Ta bieauté, bantchie auve té dans l'chînm'tchiéthe, mus pliaichie, f'thait d'tan fis un houmme d'affaithes. William Shakespeare Vèrsion Jèrriaise dé Geraint Jennings |
Viyiz étout: