Les Pages Jèrriaises

Sonnet 67

Pouortchi qu'i' vit don acanté ch't ohi,
et atout sa présence bénit l'mêché
pouor qu'lé péché par li prenge du profit
et dans sa compangnie sait ieau-d'viesé?
Pouortchi qu'la peintuthe fausse dé même sa fache,
halant eune morte veue d'la vie qu'nou-s'y vait?
Pouortchi qu'la pouôrre bieauté chèrche des bédaches
dé roses d'faichon, viyant qu'chutte rose est vraie?
Pouortchi qu'i' vit, auve la natuthe souos l'fou
ayant dêpensé en li tout san sang?
Ch'est en tchi oulle y'a pliaichi touos ses sou
et, fiéthe dé ses affaithes, vit sus san gân.
Ou l'garde lyi-même - tchille envieuse trésôriéthe
du temps pâssé! - quandi qué ch't âge s'empiéthe.


William Shakespeare
Vèrsion Jèrriaise dé Geraint Jennings


 

Viyiz étout:

 

Les Pages Jèrriaises