|
Du brûlîn d'chucre, la p'liche d'un vèrt limon, du romathîn rouôlé d'auve d'la cannelle; ta bijout'tie clyîncâle, des fraids gliaichons, j'aveins ma main pouor vèrser ma boutelle. Eune rîndelle dé limon, tonnique et Coke; j'trînqu'thai tan corps et béthai d'tén esprit; tan bracelet, tan colyi accolent ma noque; ta coutel'lie veint cliatchi ma tchulyi. Un cocktail l'tou d'tan co épis d'ta tâle, j'en gouôt'tai l'sé cliuté au bord du vèrre, eune tembleurée dé jouéyaux tchi clyîncâlent. La cola broue épis dêgôle d'eune ièrre. Quand j'avons à la langue un goût d'êpices, ch'n'est pon d'nos ent'-traiter dé touos les vices. Geraint Jennings
|
Viyiz étout: