Les Pages Jèrriaises

La Pièche d'Armes

Lé solé s'sîl'ye d'à haut l'travèrs d'ches vèrtes vèrrinnes;
les fielles souîndgantes du Stembre, des chents p'tits paûmés d'priéthe,
talbâtent lus caud cap'taine ès lueurs meûthes et meutinnes
tchi pourjôle dans l'gardîn auve ses teurs militaithes.
Les palmes spalmés êcliaithent; les ros sont tîthonneurs;
la vèrduthe bigathée védathe eune veue en vèrt
et or horte ses bordeûthes, à dâther d'hielle et d'beurre
les pots abotés d'glouaithe, médallés d'chutte jaune dgèrre.
Lé solé saqu'te les pommes, ch'est d'ensatchi l'avoût;
les rangies d'flieurs fleurichent lus vèrtes armes à l'assaut;
lus boulets - des tonmates meûthissant d'cos, d'affrous,
la rouogithie du Stembre. Lé solé s'sîl'ye d'à haut.
Quant l'vèrt soudrîn salue l'malzard dans la lavande,
au fîn mitan des flieurs, nou lueurque ses caudes quémandes.

Geraint Jennings
Septembre 2013
 

Viyiz étout:

 

Les Pages Jèrriaises