|
Tch'est qu'y'a dans l'chèrvé qu'l'encre peut bein ancrer tchi n't'a pon fait accraithe man vrai esprit? Tchi nouvieau mot, tchi contrat à pâsser, pouor dithe mén affection, ou tén affit? Rein, man chièr hardé, mais coumme j'dis châque sé et châque matîn la même priéthe, n'y'a rein d'changi d'enpis - té à mé, mé à té - la preunmié fais qué j'dis qu'tan nom sait saint. L'amour est êtèrnel mais, enfrêmé dans m'n amour èrnouv'lé, reste un êfant; au run d'faithe du run pouor l'destîn rid'lé, fait d'la vieillèche san minnistre dêssèrvant et trouve là l'bâptême d'l'amour fraîchement v'nu quand la faichon dîthait qu'i' 'tait sus l'pus. William Shakespeare Vèrsion Jèrriaise dé Geraint Jennings |
Viyiz étout: