Les Pages Jèrriaises

Sonnet 103

Ma Muse hale lé portrait d'un reintchivâle
en tâchant dé dêcrithe chein tchi li'est chi:
san sujet vaut mus, au d'sans, qu'j'embréhâle
en pilant mes louanges par dessus l'marchi.
Hélas! Né m'bliaûme pon qu'achteu j'n'êcris pon:
mithe dans tan mitheux, admithe là chutte fache
tchi prend l'avant sus m'n ajet d'învention,
tch'êbue ma plieunme, boûque mes rînmes en triliaches.
J'sis-t-i' un pécheux! Au run d'embelli,
j'ai dêladgi chein tchi 'tait d'vant bein bé:
mes vèrsets sont tréjous pouor empiéthi
chein qu'j'empliéthais d'êmèrvilements pouor té.
Mais bein pus d'bieauté qu'dans mes buts sembl'ye belle,
tu vai dans l'mitheux quand tu t'marmoûthèle.


William Shakespeare
Vèrsion Jèrriaise par Geraint Jennings 2016


 

Viyiz étout:

 

Les Pages Jèrriaises