|
Jutchi ès grîns d'la leune, j'èrgarde les dous ès veues, un mitheux êtailé d'constéllâtions d'constellâtions en bas. Lé nièr est picoté dé dgiamants ès dgieux, eune trésôr'rie brûlante, eune fliambée d'falbalas. Mèrtchure, les ailes ès g'vil'yes, né tcheurt pon d'itelle ièrre; Nepteune, la mé montante, né chôl'ye pon l'ochéan au pas qué j'pilonne l'air souos l'ciel, par d'ssus d'la tèrre - mes engambées gavèlent les êmânues du vent, ches couotheurs d'l'horizon, les dragons ès êcrèdes d'or tchi teurtil'yent la niet. Châque pas d'galop d'Pégase saque des êparts dé feu. Lé méta d'goutte en dréd- -illets qué Vultchain forge dé cliapes dé feunque et d'gaz. Les fliaues sont câsuelles. Mé v'chîn Bellérophon êtchèrfroutchi ès clius, la touâle - mén êtalon.
|
Viyiz étout: