Les Pages Jèrriaises

Sonnet 16

Mais pouortchi pon d'un mouoyen bein pus fort
faithe la dgèrre contré l'Temps, chu rouai sanglieux,
en t'renforchant, eune pause d'vant qu'tu sais hors,
dé miyeuthes armes qu'les cheinnes d'un pouôrre rînmeux?
Té v'là achteu au copé d'ta jannèche,
et y'a des vièrges gardîns, acouo à s'mer,
tchi t'portéthaient des flieurs, vivantes et fraîches,
pus r'sembliantes à té qu'chu portrait halé.
Ch'est dé t'plianter dans les raies d'ches gardîns
au run dé d'dans les lîngnes dé ma poésie;
nou-s'y dêsaqu'tha les flieurs d'tan dessîn
à seule fîn qu'tu flieuthisse tréjous dans l'yi.
Té gardinner dé même, ch'est dé t'garder,
et tu t'dêhal'las atout t'n agenceté.

William Shakespeare
Vèrsion Jèrriaise dé Geraint Jennings

 

Viyiz étout:

 

Les Pages Jèrriaises