Les Pages Jèrriaises

Sonnet 81

Or I shall live, your epitaph to make

Si j'êcris des bieaux vèrsets sus ta mort,
S'tu vis quand j'sis entèrré et pouôrri,
Tan bieaux nom n'es'sa janmais lavé hors
Ouaithe qué man bouôn r'nom sait n'yé dans l'oublyi.
Ta mémouaithe es'sa gardée à tréjous;
Mé, jé s'sai pèrdu, muchi souos la tèrre.
Eune fais parti, bein, mé v'là dispathu,
Mais té, ta vie s'sa veue par touos les ièrs
Dans mes vèrsets. Né v'là tan monûment
Tchi s'sa, ma fé, èrcité, liu et r'liu,
Apprîns par les êfants des p'tits êfants
Quand touos les cheins d'ach'teu n'respithont pus.
Acouo tu viv'thas, véthe, sus chu papi -
Et dans ma bouoche, et dans man drein soupi.

 

William Shakespeare
Vèrsion Jèrriaise par Geraint Jennings 2001

 

Viyiz étout:

 

Les Pages Jèrriaises