|
Y-a-ti quiqu'un qu'la pauvretè, Obllige à baissir la tête ? Vice, jamais l'adversitè Ne fut, quand l'homme est honnête. Pour tout chonna et tout chonna, Le rang sus l'or n'est qu'l'image, Mais s'il est honnête et sage, L'homme ch'est l'or pour tout chonna. Si j'avons de modestes r'pas, D'la commune marchandise, Mais que je ne les devions pas, J'somm's honnêtes qui qu'nou dise. Pour tout chonna et tout chonna, Le pauvre, s'il est honnête, Peut tréjous lever la tête, Ch'est un prince pour tout chonna. Le Roué peut faire un Gouverneux, Un Bailli etou i' nomme, Un Vicomte et un Procureux, - Peut-i' faire un honnête homme ? Pour tout chonna et tout chonna, D'un esprit sain la jouissance, D'la condite l'excellence, Valent bein mûx que tout chonna.
Un St.-Louorenchais.
|
Vèrsion modèrnîsée:
|
Y'a-t-i' tchitch'un qu'la pauvreté, oblyige à baîssi la tête ? Vice, janmais l'advèrsité né fut, quand l'houmme est honnête. Pouor tout chonna et tout chonna, lé rang sus l'or n'est qu'l'înmage, mais s'il est honnête et sage, l'houmme ch'est l'or pouor tout chonna. Si j'avons d'modestes èrpas, d'la qu'meune marchandise, mais qué jé n'les dévions pas, j'soummes honnêtes tchi qu'nou diche. Pouor tout chonna et tout chonna, lé pauvre, s'il est honnête, peut tréjous l'ver la tête, ch'est un prînce pour tout chonna. Lé Rouai peut faithe un Gouvèrneux, un Bailli étout i' noumme, un Vicomte et un Protchutheux, - peut-i' faithe un honnête houmme? Pouor tout chonna et tout chonna, d'un esprit sain la jouissance, d'la condite l'excellence, valent bein mus qu'tout chonna. |
Viyiz étout: