|
Tout l'tou nou plieuthe, nou pliaint, nou honne, nou lanche des brais fouaibl'yes et faillis à un destîn tchi dêraisonne, en s'lamentant, la tête baîssie. La vielle malforteune dé l'Ukraîne nos met à l'èrgretter tréjous entréchîn l's heuthes tchi veinnent traîne-dgaîne quand l's enhalaûdes tchèrront d'sus nous. Sus les bliesseûthes nos lèrmes sont caûdes; sans ieux n'y'étha pon d'dgéthîthon; i' rouithont à rein l's enhalaûdes: sans nos lèrmes janmais i' n'tchèrront. Pouortchi don d'ité houîns et ouas? Nou n'a pon qu'faithe d'èrbrousser c'mîn. Travaillons mus à flieur dé bras; littons pouor un nouvel av'nîn! Lesya Ukrainka Vèrsion Jèrriaise dé Geraint Jennings |
|
Viyiz étout: