Mais v'là un brit d'chabots tchi veindraient faithe frémeu;
ses dgéthets d'biche volaient coumme un co d'vent.
Les satythes lus fiêsaient, les mittes êcappaient, ieux,
en piaillant et paonnant l'avant à Pan!

Achteu ches dgieux sont hors. Nou n'noue d'aut' siez les mittes.
Les chentaures né font d'aut' la carre ès nŷmphes.
Sélenne n'est d'aut' la leune: j'avons nos satellites
et nos fîsées... Mais d'un co r'sonn'na l'înf-

-èrnale bueûl'lie d'un brai divîn et vyi,
et Pan r'chabol'la 'chîn pouor nos faithe pannitchi!

Geraint Jennings