Ch'est bein întérêssant d'liéthe les lettres en Jèrriais tchi fûtent publiées dans les gâzettes temps pâssé. Quand ch'est des lettres tchi n'fûtent pon êcrites par des auteurs, la manniéthe d'êcrithe lé Jèrriais peut nos semblier pustôt tchuthieuse, mais les gens êprouvaient d'êcrithe lus Jèrriais coumme i' pouvaient sans dictionnaithe ni léçons d'granmaithe dans l's êcoles.
Bein seu, y'a des lettres êcrites par des gens bein êdutchies tchi prétendent d'êt' des sîmpl'yes gens d'la campangne et né v'là eune sorté d'genre littéthaithe.
Mai l'pus grand întéthêt s'trouve dans l'Jèrriais “populaithe” èrcordé dans ches lettres, si nou peut s'pather les productions littéthaithes.
L's articl'yes par George d'la Forge, Êdouard L'Bro et Ph'lippe Lé Sueux Mouothant fûtent êcrites en forme dé lettre à l'éditeu - en véthité i' sont d's histouaithes adréchies ès lecteurs.
Y'a des r'chèrches à y faithe, sans doute.
Viyiz étout: