A Moussieu Bram Bilo, Chantgni, et Troopeur de la Milice Royale de Gerry.
Man chier Bram,
D'j'ai ri à d'pichir mes doeux costais, en liésant ta lettre dans l'papi d'Sam'di passai, et d'jai dit: chu garçon là est bein d'saeux nai souos ieunne des sept plianettes, connues des viers savants de l'antiquitai Romaine!*
Tuès nai, man Bram, à chain qué j'pense souos la Plianètte Maline, car le "fun" dominne dans toutes tes lesttres; continues, et fait nous rire!
Tuès un malin merle, tout l'monde lé dit, et l'crait. Bravo! bravo! man vier Chantgni! et bétôt Counnéstable!
Tu veux que j'escrive un bouan long but sus l'Président d'La République, qu'est à St.-Malo - ch'la pouorrait bein s'arriver, n'dit mot! Jé counnais bein l'Président, j'étions ensemble à l'exposition du Havre en un mil huit chents seixante et huit, j'attends un but d'lettre dé li, d'angnait à d'main, chest pour une veuve qu'a tai ruinaie....
Ten anmin,
J. Sullivan.
* Les Plianètes étaient: Saturne, Jupiter, Mars, le Soleil, Venus, Mercure et la Lune! Y criyaient la terre stable.
Nouvelle Chronique de Jersey 5/8/1896
Viyiz étout: