Monsieur, - Je compte qu'ous avez tout à fait raison et j'en vé des exemples tous les jours, que la faineantise est tout ché que nous apprend dans les écoles de demoiselles. Dans notre paraisse ch'est une tapottie sur le pianno tout le long du jour, et les jeunes filles se fichent bain des pommes de terre. Ch'ique fais yà coumm ch'tannée quand lus parents sont suous le four et qui n'ont pas de sous à lus donner, elles ne savent pas de chi bord lus touoner; mais dans les campagnes, ch'est les Bretons et les Normands qui font tout le travas. Les Jerriaises coumm ou le dites si bain sont trop orgueilleuses pour lus salli les mains. La conséquence en est que la race Jerriaise est fichue et que les campann appartiendront dans une vingtaine d'années es étrangiers. Ch'est que je pouvons y faire, nos vaisins envient lus éfants es écoles, et il faut bain faire comme ieux, mais j'approuv' bain de la lettre qu'ous avez mins dans votre article de Samedi. Les messieurs eront biau se moqui des campagnards du temps passé. Je faisions not' travas, je payions nos dettes, et je mettions chiq' sous de côté pour la vieillesse. En fait non autant anié?
Un Vier Jerriais
Viyiz étout: