Dé travers!
A l'Editeu d'la Chronique.
Moussieu, - Tch'est qu'est ch'la qu'ou dites dans votre gazette de Samedi? Que les “Gens de Droit” (qu'ou z'appelez les Gens dé Travers) s'en vont envié une pétition au Bailli pour lis d'mandé d'les laissi pâler de l'angliais en Cour!
Et bein, ma fé! Jamais dé toute ma vie je n'avais ouï d'ité b........ d'gniolin. Des avocats qui sont trop bêtes pour d'viser en francais quand i' s'adrèchent à la Cour!
J'doun'rais avis au Bailli, dès qui veindront siez li, de lus dithe qui ya oquo tout plien d'run pour yoeux dans nos êcoles élémentaithes. Dé pus, i' n'éthont pas besoin d'acater d'A.B.C. car les Etats fournissent touos les livres ach'teu.
Mais quand même, si l'Bailli les laissait faithe à lus gré, j'cré bain que les avocats n'éthaient pas grand causes, car si des hommes sont trop achocres pour pâler le francais, faudrait être d'jâtrement bête pour lus confié ses causes.
Tout à vous,
A Bas Les Buzards
Chronique de Jersey
2/5/1906
Viyiz étout: