Les Pages Jèrriaises

Eune lettre dé 1897

A M. le Rédacteu de la Nouvelle Chronique.

Le Betchet-ès-Cats, chu 2 Nov. 1897.

Moussieu, - Je sis tout à fait mâri quand je pense qué nôt vieille langue s'en va, même dans les parvis de nôt cohue; iun tchi était là m'dit qu'ès dernieth Assises le chef du Jury a pâlai ès hommes de l'Enquête en Angyais et tchun Jerriais a, sans rouogi, prins serman, tchinne savait pon le Français. Et pis un Chantnii, membre de nôt barreau, tchi était témoin dans la câouse denommait la brouette de la Police "TRUCK."

Eh bin m'est avis, moussieu, que chest de faillis corps toutes chès gens là, tchès qu'ou en crii? Quant à mé je sis de la vieille école et je pense qué chès une grande naithe honte pour nos messieurs de la Cohue et not petit Jerri de vais des jeunes aussi bornais.

A la préchaine, moussieu,
Jean du temps Passai.

Nouvelle Chronique de Jersey 3/11/1897


 

Viyiz étout:

 

Les Pages Jèrriaises