A Moussieu l'Rédacteu d'la “Chronique de Jerri.”
L'août jeu, en pâssant par la rue d'drièthe, j'u l'ounneu d'gyiânné eun morcé d'papi, t'chi probabl'y'ément avait servi à anv'loppé des saoûchisses ou des maccârrons (car il tet graisseus), mais coumme i tchiyet d'la plyie à verse le do'tchûment étet pl'yain d'bôs et d'puté et ch'fut a forche éd'bréingi man veste ov'veu que j'parvéins à d'aîcouvri éinprimet en gros caractèthes “Chronique de Jersey,” et pis pûs bas occouo en lettres grosses AVIS. - Les Maîtres Boulangers de Jersey, informent respectueusement leurs Clients qu'à l'avenir la coûtume de donner des cadeaux de Noël ou de Nouvel An sera discontinuée.
Moussieu j'vos érpète sansibly'iement que chu cou la ma bâsyi d'la pênne, préincipall'ment quand j'ai appl'yi'tchi mes leunettes sûs eunne patheille aîspitafl'ye. Ens'sa Moussieu! Entre vous et mé tchi faisons châ'tcheun san d'bit d'pain quand je'l'trouvons bon, est-ch' qui n'y'éthait pas moyain de faithe fache à nos maîtres Bouland'ghiërs de Jerri?
Qoué'qu' j'ssis Bouland'ghi mé màime j'n'approuve pas l'sistaime des maîtres baikeurs. Le fet en est que je crai qui sont eun miot éindépendans. Faôut-lûs faithe cado d'eunne co-ôpéraistive après Noué pour les contenté.
Es'tchûssëts mé Moussieu l'Rédacteu en cly'intant chutte lettre ichéin dans vott' bouaîte, mais si j'ai seull'ment l'ounneu d'vôs fourni eun pain de 4 livres (garanti sans poussot d'patates) entre ichéin et huit jours, je sis décidet a vos fourni (grâstis) eunne belle gâche à corréinte de 2 livres, ou si ou z'aimëts mûs la pléisyne ou sethets le bainv'nu à en avé y'ieunne du maîme calibre pour un cado de Noué t'chappréche.
Stërtons eunne co-opéraîstive dans chaque pârraisse, j'gagn'nons eunne belle gâche pour Noué 1899.
P.,
Baikeur,
Gros-soeur,
Tie dieleur,
Baîque Binns anne
goude Fréydé.
Viyiz étout: