Eune lettre dé 1912

A Mousieu de la Chronique de Jersey

Cher Mousieu: -

Comme ou savais bain que ch'est notre habitude, oprès l'thée que Nancy nos l'iaiès la gâzette. L'autre jour, tchic-uns yiavais donnait le Evening Post, et ou s'mins à nous yière unne lettre qu'un penfaitre d'angiais avait ècrit, entouore unne nouvelle manièthe (scientifique) de jugit les bêtes à cônes. C'tait assèz pour vos faithe enragit. Vèthe, Mousieu, j'en n'tais presque fo, de penser qu'un monièthe de bachoir s'en v'nait nous chanter qui y'avait du monde qui pouvais jugit des bestiaux cou'erts.

J'dis à Nancy: tait té, ch'est un tas d'mensonges; mais ch'est pas tout, y l'a l'audace de dithe qui y'ia même de nos braves Jerriais qui ont pratitchi chouna à perfection, et même y l'a l'affront de d'mander ès lecteurs tchi qui pense être la monièthe la pus honorable. Si j'avais peut êcrithe l'angliais, j'vos y'ian éthais baillit de l'honorable. Honorable de jugit des chaînes, des cordes et des rugs. Nannin! nannin! Mousieu l'Editeu, ch'n'est pas honorable, et ch'n'est pas nous, fermiers, qui voudraient jugi d'unne monièthe pareille; si yian a tchique uns qu'ont ossait l'faithe, je s'rait de les enviait bein vite avaux la cauchie.

Ch'n'est pas des juges comme chouna qui nous faut, ch'est des hommes de la vieille trempe jerriaise, qui juge la bête telle qu'ou l'est, et rein d'autre.

“Honneur a qui honneur est dû”.

En vous r'merciant, cher Mousieu.

Je d'mèthe tréjous,
Votre grand anmin,
HONNEU