A Moussieu l'Editeu de la “Morning News.”
J'avons leu avec intérêt les projets de Madame Laize et de Piteur dans vot Gazaitte de Maicredi et jer'grettons de n'pouvai l'i envyier une p'tite garce comme oul' voudthrai, ounne no's á pon laissi sen addresse, mais quand oul' en trouvethra yunne, par pitchi pour la peurthe p'tite minséthe, j'errcommandais á Madame Laize Pain de se prochuther yun de chais buaux liets que nou dépacque avec lus mattnaas etcétera tous prêts pour la niet et qui de jour se frumes comme si chétai une armouethe.
J'en ai veu á Pariths et a Londres et chest bain commode j'vos asseuthe quand nous est á cour de reun; j'pense tchi y'en a chais les Mess Vioiesin et chais les De Gruchiers dans la rue de driéthe, et á buon marchi.
á bétot,
Moussieu l'Editeu,
Un Villais
Morning News 25/11/1911
Viyiz étout: