Les Pages Jèrriaises

A Moussieu l'Esditeu de la "Nouvelle Kronique"

 

Moussieu, - L'aûte jeu (le jeu de la grande mazaie), je fus au Châté vais si je puorrais attrapé quique angules dans les houles qui s'y trouvent, et comme la mé n'était pon ertizaie assais, quand j'arrivit là, je me mins à conter tuos les blocs de chu célèbre concrète (qui a joué un si admizable rézulta à la "Cocolette," de malheûzeûze mémoize) qui n'ont pas occuo tai fais servi. Quand je fut arrivait au nombre de quarante-neuf, je vis qu'il y en avait occuoze une fichue tapaie, et je me mins à pensé que nou puorrai du restant en faize un monument au "Comité des Kauchies".

Je crai que l'inscription que nou puorrai mettre dessus sézait chaitte chin:

A D. De Quetteville,
J.-G. Falle,
Le-C. Balleine
et Compagnie,
Membres du Comité subdélégai des Kauchies, les Jerriais
maudissant.

Une aûte idaie me vint aitout, chais que si nou ne pouvait pon bouogi chais grosses bloques de concrète (a cause que y s'en vont en miettes quand nou les touche) ché sézait de les écrasai bain menu (comme du pain à puochin), et comme y sont pour pus des trais quarts compôsais de gravi de St.-Quiément, nou puorrai pétête y attrapai du lanchon: il ne yiazet pas si lien comme d'allé ès Eslavais, et pis, nou puorrai y allai dans la morte-iau, ché sezai un grand avantage, ma fé vaize, criyous pon, Moussieu?

Si ou zavais un tout petit coin de run, pour mettre chutte lettre ichin dans votte Gazette de demain, ou zobligézais vote serviteu, qui n'est pas si baite comme il en a la minne.

Agricola
Roquebert, chu 18 de Sept. 1877

 

Nouvelle Chronique de Jersey 19/9/1877

 

 

Viyiz étout:

 

Les Pages Jèrriaises