A Mousieu l'Editeu de la Nouvelle Chronique
Autefais les Jerriais tricotais touos des cauches pour l'Angliaiterre et la France, ach'teu y taille des croupières pour le vote secret, sans savé quand y pouoront bein s'arrêtai dans chu travâ-là.
Eun Platon, eune Glaucon, un vieir Jerriais et l'zautres dé fi en adjulles, les v'la touos en c'hmin pour pâlai dé cheu qui savent coumme dé cheu qui n'savent pon. Pour quant à mé, je sais tréjous bein ma fé, qué j'aimons mûs votai coumme par le pâssai, je n'vai pon l'utilitai de faithe touotes chès triques de vote secret qui sont bouannes pour l'zaviers p'têtre bein, pour l'zamusai, mais pour les anciens qu'on tréjous lus vouais au but de lus langue, c'hn'est pon la peine de les pliaichi dans eune bouête, quand y peuve pâlai tout haout d'vant les candidats patriotes et Jerriais aussi bein qu'mé et l'zautres. J'ai pensai vouos dithe chonna, et vouos zaverti quil y'en a d'aoutres qui pensent coumme vot' serviteu,
Un Trin'tais
Nouvelle Chronique de Jersey 13/9/1884
Viyiz étout: