Mousieu. - Savous chein qui m'est arrivèt l'aut jour? eh bein, je m'en vais vos le dize et pis ou verrais comment qu'les mêsprinses se font par des oui dize et de bévues. L'aute jour, j'envyi une lèttre bein directaie à un amin, pour lis dize de v'nin mé pâslé, et la Postémen alli porté ma lettre à un autre homme du même nom. J'en tremblle oquo quand j'y pense. Savous, Mousieu, tchêqu' arrivi siez mé! J'té le Fossi tchi v'nait veis tchêque j'lis voulais! J'en resti presque à la pièche!! Quand j'vi chu Mousieu là, je pensi que ch'tai p't'être dans sen maîtchi, comme chest dans les boutiques, push the trade; je crut tchi v'né pour prendre ma m'zuthe! J'lis dis bein vite; J'nai pon d'besoin d'vous, et je l'renvyi vite hors de d'siez mé, et bein aise quand y fut à perte-de-veux. savous bein, Mousieu, que j'pensi quâsi en avé une maladie. J'espèthe bein ne pas avé chutte visite-là erpétée, chest de ches surprinses tchi n'font de bein à personne.
Un Couotuthi
Nouvelle Chronique de Jersey 2/7/1890
Viyiz étout: