Moussieu l'Aiditeut. - Jaispaize kou me fsais lonneu de maittre chais deus mos dans voutte gasaitte de Maicerdit quit vain.
Daprais le rapor kou donnez du grand thais de St. Ou dans voutte gasaitte de Samdi, je sist obligi d'vos dize kou navais pon étai ben informai.
Onn dites pon ouestq le cerviss fu donnai.
Ai ben mai jvos dit que j tai dans laiglise de St. Ou.
Ou dittes kel éfan avez lus pazents ovec ieux quan y setais en procaission.
J'vos dit étou que chés la une hairreur quar jy reggardi ben et les éfan étés touos seurs.
Ou dittes étout que la faite été belle més que chentai pon annimé comme les annhées passée.
Jvos dit mai qui iavait hardi de monde et biaucoup pus quej gnien avez veuet le vlo ben de zannés quej ai étai - futeous dans la tante vais les dammes qui servais du thais, et les belles fieurs qui iavait - je cré que siou siavais été kou ézais mins sur voutte gasaitte quej chetait un bieau coup deulle.
Ou dittes étou kil ien avé la ki disez quin iavait pon tant de monde autefés.
Et ben Moussieu, si chés kou tiés la et kou antendite ditai y fallai quej fut du mondde quej y vit étou kavais ieu ma es yiers et quin viais que la mainqui. Je les vit étou et lus pali, acquo de pus y me demandirent sy je konnaissais Sinsinnatus et quesg keje chetait kune rodomontad et si javais veu Titte Tasitte ou Laivi et ouestque nou pouvé les vès. Jenne crai pas kou éties là quar ou ériez donné un rapor pus correctte. Savous quel Genral Coubbage avé promins diallé mais ki fu prins malad le matin et quin pus yiallé mais le Koronnel des regguliers étai la avecq sa femme et la belle musique de san geriman.
Et pis chest pas tout y iavait Moussie de St. Ou et toutte sa fammile, Moussieu de Vinchlais et ses fraizes, le Jugge Marait, et un tas d'otres arrestos avec les dammes et fammile. Moussieu l'Aiditeu y aivait quique chose que nous remerqui surtou -, les dammes étais ci sharmantes inn iavait pon rin destrahordinaize comm autefés chetait tout de qui sharman et aimmable.
Et acquoze y aivai la belle musique, nou criai quej chetai une chifournie et la Pollice gardai un bouon horde et tous pouvés vais et antandre.
Et ben Moussieu l'Aiditeu jevos dit quej chetait la pus belle faite quej aie jammais veue - la gache et le thais étés ben dous et je vos dit que voutte gasaitte qui ordinaizeman dit la vérité avé tors de dize quechétai pon si annimé kautefés - y ieu des éfans ki se trébuquizent en jouans et vla tou le ma ki u chu jourla à main qui ien eu qu zent du ma deu ialler pon.
Jai prans voutte gasaitte depis lontems et jespaize quej pouorai y ieze chinchin Maiquerdit.
Un Hammin de St.-Ou
Chronique de Jersey 17/7/1867
Viyiz étout: