Mousieu, - Pouorriez-vous me dize si' y'ia unne loié quanpêche les gens d'allé lus bogné le Dinmanche l'arlevée, oprès le Corps de Garde? Car je vos aseuse que Dimanche j'eu grand, grand honte quand je pâssi sus l'Esplanade de che que'j vit près le slip; la mé tai haute et je peux vos dithe, Mousieu, que j'eu une horiblle honte de vaie deux grands panfêcques d'avers à lus vachigné dans la mé, ils étaient touos nus comme le ver. J'en rouogi de honte quand j'vi des dames qui passaient et mettaient lus parapuis du
côtai de la mé. J'en ai veu tchique fais qui metaient des p'tites brais, mais les deux avers n'en avaient pon. Eh ben! si chona est permins, chest un bigre' de honte. Quant à mé, je ne pouvais pas presque ergardé personne, et je'm decidi de ne pas sortir le Dimanche ôsai. Je'n fut pas à la Chapelle, car ch'té
bain d'aute choses de vais ditet que de vais les estatus à l'Exposition de Paris. Ou vos raplés de la femme du Chantgni Bram!!! Pour mé je n'sis pon trop esfritet de vais des vizsions, mais pourtant j'en eu une diantre de honte! Mousieu, vos piezeti en pâslé au Counnêtablle Baudains; j'alli voté pour li Mardi et je pensais de l'vais et y'en pâslé, mais j'en put. Ils étaient tous à goudalé du vin, et n'ou m'dit d'allé en beze étou, mais j'ny fut pon, j'en sis pas hardi d'ma sorte.
Votre Anmin
Nouvelle Chronique de Jersey 21/6/1890
Viyiz étout: