Les Pages Jèrriaises

Les Jèrriais à Chicago

 

A Mous. l'Editeu.

Chicago, Etats-Unis d'Amérique,
Chu 5 Janvi 1901.

Moussieu, - J'lizais dan yune d'vos gazettes dernièthement (nos gens m'lenvient d'ten en tens) qui ya des gens en Jerri qui craient qu'lvier Jerriais es mor ou en mouothant, mais com y dizent ichin - not much - craithous bain, Moussieu, quichin à Chicago il es pazlé dans pus d'un home, et quan ma seu Sté et not' frèthe Fred et s'naimable famme Mélie (qu'est une Jerriaise étout) et nos couzaines Gallichan quant j'nos rencontrons ensemble criyous qu'j'paslons l'Anglaichin - not much - j'paslons du pus piat Jerriais qu'j'pouvons - la sorte que nos viers anchêtres pazlaient - qu'la mémoithe en sait benie - ya quatorze ans qu'jsis ichin, et j'crais qu'j'pasle le Jerriais mus qu'j'en faisais quan j'tais sies nous, ou viyiz moussieu j'tais manièthement finette et l'Anglais sonné pus raffinné et pus "grand" mais d'pis q'sis ichin toutes les chances q'j'ai j'pasle ma vielle langue maternelle, et quant j'ai des lettres de sies nous rain nem fait pus de pliaisi que les brevièthe que not frèthe Jean m'ècrit en Jerriais, i'y a ètout ma grante ammie Mrs. Messervy qui m'en ècrit de divers libelle, ches pourqui ou viyis je sis gardée "in touch" avec la vielle langue; les brevièthe qui menvie en Jerriais me fon rithe de bouan tcheu, im dizaient l'aut jour qui menvièthaient un "rouge héthan" sinon quels avaient peux (chu drain mot là ne sonne pon Jerriais) qu'j'ethais a allé sies le dentiste!!)

Ah noufait le vier Jerriais n'es pon mor ni en mouothant, vraimen le vier t'chan nes qu'endormi, attendee qui s'reville; j'dit souvent es Amethiquains qu'jpasle tres langues, l'Anglais, l'Français et l'Jerriais (last first!) et j'vos asseuthe Moussieu l'Editeu que ch'n'est pas tous qui peuve en dithe otans.

J'vos salue, Moussieu, et vos prie si ou zavée un p'tit coin dan vot estimable papi, de faithe connaître à mes compatriotes les sentimens d'une

Vraie Jerriaise.

P.S. - Depis qu'j'ai ècri chutte lettre ichin j'ai veu not frèthe Fred et im prie d'vos dithe qui ya pus d'trente ans qu'il ès ichin mais qui n'a pas oubliyé un mot de san Jerriais.

Nouvelle Chronique de Jersey 9/2/1901
 

Viyiz étout:

 

Les Pages Jèrriaises