L'Églyise d'la Trinneté

Mousieu. - Votre correspondant "Lex" a grandement raison dans sa lettre de Mêcrédi passai, en vos amenant à compte pour votre article de fond de l'aut' jour par rapport à nos Eghises Paroiessiales. N'en v'là oquo d'un' autre, hou dites que chest la propriétai de l'Evesque de Winchester; et hou pouvais bein ajouauté que chest le Doyen actuel tchi vos la dit, pour mé chest unne idaie trop anghiaise! Depis longtemps tout chein tchi n'est pon anghiais, n'est bon qu'à pendre ou à brûlé! même jusqu'à not' langue, les Messieux d'Anghiéterre tchi veinnent ichein, on arrivant y nos disent tout rupaiement, "speak english"! même M. Allpress tchi s'piengnait améth'ment à la Cour, d'autant que l'Juge ne voulit pon forchi l'Avocat, tchi avait ses êtudes en France, à paslé en anghiais. Eh bein chest d'même partout et en tout, y faut paslé en anghiais, ou tout de suite nou vos r'garde de travers.

Le Doyen en arrivant parmi nous était pour abandonné à prêchi en français. A "Grove Place" les Prédicateurs Anghiais ont fait d'lus mus pour abolir le prêche en français, y nos est dit qu'en Anghiéterre les church-rates n'existent pus - et de là découle tout l'embarras. Je l'iësais tout dernièthment dans l'Daily Telegraph, qué la puspart des Eghises à Londres avaient 'tai bâties à l'aide d'unne taxe sus l'tcherbon introduit à Londres.

Nos Eghises en Jerri ont 'tai bâties par le peuple, dans un temps quand tous étaient de la même religion, y n'y'avait qu'unne Eghise tchi devenait paroessiale, avec san chiemtièthe tchi était le chiemtièthe paroessial, toute la propriétai devenait responsable pour le maintien et entretien tant de l'Eghise qué du cheimtièthe, et en a 'tai d'même jusqu'à nos jours, et la propriétai au jour qu'il est, dans n'importe tchi mains qu'ou peut se trouvé (soit Juif ou Gentil) est responsable du maintien et entretien de la bâtisse. Mais quand y s'agit de musique pour la célébration du culte, c'est à celui qui y prend part à payer. Nos Eghieses sont tellement propriété paroiessiale tchi faut être propriétaire foncier avant de pouvoir posséder un banc; banc qui suit l'héritage dans les partages d'héritages.

En 1853 y yieut en la paraisse de la Treintai une visite d'Eglise tchi montre assais cliaith'ment qué l'vent a changhi d'pis.....

C.Vrai
St.-Hélier
Ce 16 Mai 1907

Nouvelle Chronique de Jersey 18/5/1907

Viyiz étout:

• L'èrligion en Jèrriais

• L'Eglise de Saint-Hélier et ses travaux suspendus

• Eune lettre dé 1880

• Je sis un vier Jerriais!

• Le Viquaire

• L'Épitre de Saint Charlot ès Saint Luorenchais

• La Nouôrrituthe dé l'âme

• La R'ligion

• La Chapelle ès Pêtcheurs