Moussieu l'Editeu, - M. H. de T. a donc une ben pouor idè de nouos aut' Jerriais, li qui vouos propose de donnè les noms des siens qui ssont assais heuseux pour trouvè l'mot de s'n énigme. (Queu bonheur! queu honneur!) Crée-t-i donc qu'à la veue des objets, i n'sachent pon dise, comme l'un des personnages de la pièche d'Etienne (Les Deux Précepteurs), en posant l'index de la main draite su l'index de la main gauche: Ça est ça, et ça est ça, et que pour trouvè l'nom des choses, i lus faille trente-six CHANDELLE-s et l'nez dessus? Mais si touos les siens qui l'ausont trouvè vouos enviaient lus noms, vot' préchain numéso nouos présenttait eune fameuse liste de noms propres.
Un de vos Abonnés.
St.-Hélier, 2 Mars 1867
Nouvelle Chronique de Jersey 6/3/1867
Viyiz étout: