Moussieu l'Esditeu,
J'etais l'aut jour à Saint Louozains, ouèque nou m'avait dit que le Regiment allait passé en reveue. - Une de ses compagnies me fit bain du plaisis. Touos les soudards s'étaient mins en deu pour lus Captaine que le Gouverneux avait comme nou dit ichin enviai dans les batties, à cause qui ne voulait pou se mettre à gnoux devant le généra. Entre nous il avait bain fait. Je pâle ichin du Captaine Voisin.
Je r'graitty bain de vais que touos les hommes otizent lus cipre, quand le petit Coronel Le Gros le lus dit. Mais lus sergent Sam Le Feuvre, par san nom, agit comme un homme. Y refusit de haller son cipre et resti tout le temps sus la grève a régarder san régiment et sa compagnei passé en reveue.
J'entendis plusieurs personnes dize que le coronel et les officierres avaient décidai de fusilly le pouore couaisin Sam, le jour d'aprais, ès Roquettes.
Dites mé je vouos en prie, cryoux qui fezaient bain ditait en Jerry achteu?
J'attends votre réponse,
Un Saint Ouennais
La Voix des Îles 1873
Viyiz étout: