A Mousieu l'Editeu de la 'Nouvelle Chronique.'
Mousieu, - S'ou vouos imaginèz avé fait pliaisi à touos vos souscripteurs en aggrandissant vot' gazette, permettèz-mé d'vouos dithe qu'ou vouos trompèz grandement. En chein qui m'concerne, oulle était grande assèz l'temps pâssè, mais ach'teuthe yia biaucoup trop de temps perdu à la lièthe. 'Yia not' Phlippe, dès qu'ou veint, y saoute dessus coumme un cat sus unne souothie, et pis pique dans un coin et nou né le r'vait pon qui né l'ai dévorèe d'un but à l'aoutre. Qui yait travâs ou qui n'yian ait pon ch'est égal, tout ès néglligi, tout ès fllianqui de côtè pour la fichue gazette; quant à mé, dans des temps je voudrais la vée au fonds d'la grande rade. Jé vouos d'mande excuse, mousieu l'Editeu, mès s'ou saviaites les embarras, les paines et les misèthes que j'ai dans men mênage, ou n's'êtes pon êtonnè de ma mârisson.
Jé vouos avertis qué j'la quitte à Noué.
Marie Conivet, Ville-au-Veslet
3/10/1885
Viyiz étout: