Les Pages Jèrriaises

L'idolâtrie des d'mouaîselles; dé l'enchens

L'idolâtrie des d'mouaîselles; dé l'enchens
au quarchonnyi pouor louangi lus fraîches hanques,
eune joudginne pouor l'êcopi épis l'sang
tchi dêgôle dé tchique côté. Lé prêtre clianque
au manche, trop vyi pouor envyer d'l'hielle au feu.
Fichtre! Ch'est d'dêrenglyi ches cérémonnies.
Un dévot dévthait êt' pus précaûcieux.
Nou plieuthe en pâssion auve eune lèrme à l'yi
et des badgettes Chinnouaises ès dés. L's idoles
onguennées d'sauce, êtchèrpilyies d'cârottes
n'y rêponnent brîn; lus hanques et tchiêsses sont molles
à dêmobiliser la bette dévote,
les saintes radiches et les caboches louangies.
Les d'mouaîselles vaudraient bein ch't' idolâtrie.

Geraint Jennings

 

(Chutte poésie fut composée en faîthant sèrvi eune pouongnie d'mots chouaîsis à Dgi l'adèrt dé d'dans l'dictionnaithe)

 

Viyiz étout:

 

Les Pages Jèrriaises